Búgin fýtboldan álem chempıonaty irikteý kezeńiniń jerebesi tartylady

ASTANA. KAZINFORM - Búgin, 13 jeltoqsanda Shveıtsarııanyń Tsıýrıh qalasynda 2026 jylǵy álem chempıonatynyń Eýropa qurlyǵy boıynsha irikteý kezeńiniń jerebesi tartylady. 

Jerebe artý rásimi qazaqstandyq ýaqytpen saǵat 16:00-ge belgilengen. 

Qazaqstan tórtinshi sebetke tústi. Bul sebette bizdiń quramadan basqa Bolgarııa, Lıtva, Latvııa, Lıýksembýrg, Kıpr, Estonııa, Ázerbaıjan, Kosovo, Armenııa, Belarýs jáne Farer araldary bar.

Al birinshi sebette Frantsııa, Ispanııa, Anglııa, Portýgalııa, Nıderland, Belgııa, Italııa, Germanııa, Horvatııa, Shveıtsarııa, Danııa, Aýstrııa ornalassa, ekinshi sebette Túrkııa, Ýels, Shvetsııa, Polsha, Vengrııa, Ýkraına, Serbııa, Grekııa, Rýmynııa, Norvegııa, Slovakııa, Chehııa bar. 

Sondaı-aq úshinshi sebette Shotlandııa, Slovenııa, Irlandııa, Albanııa, Soltústik Makedonııa, Grýzııa, Fınlıandııa, Islandııa, Soltústik Irlandııa, Izraıl, Bosnııa jáne Gertsegovına, Chernogorııa, besinshi sebetke Moldova, Malta, Andorra, Gıbraltar, Lıhtenshteın, San-Marıno belgilendi. 

Barlyq qurama 12 topqa 4 nemese 5 komandaǵa bólinedi. Tórt quramadan turatyn alǵashqy alty top (A-F) irikteý týrnırin 2025 jyldyń qyrkúıeginde bastasa, qalǵan 5 quramadan turatyn 6 top (G-L) 2025 jyldyń naýryzynda bastaıdy. 

Top jeńimpazy álem chempıonatyna tikeleı joldama alsa, ekinshi oryn ıegeri ótpeli match oınaıdy.

Іrikteý kezeńi 2025 jyldyń 21 naýryzynan bastalsa, sol jyldyń 18 qarashasynda máresine jetedi. Al ótpeli match 2026 jyldyń 26-31 naýryzy aralyǵynda bolady. 
Álem chempıonatynyń fınaldyq kezeńi 2026 jyldyń 11 maýsymy men 19 shildesi aralyǵynda AQSh-tyń Atlanta, Boston, Dallas, Hıýston, Kanzas-Sıtı, Los-Andjeles, Maıamı, Nıý-Iork, Fıladelfııa, San-Frantsısko, Sıetl, Kanadannyń Toronto, Vankýver jáne Meksıkanyń Gvadalahara, Mehıko, Monterreı qalalarynda ótedi. Alǵash ret dúbirli dodada 48 qurama baq synaıdy.

Eske salsaq, budan buryn Konferentsııa lıgasynda «Astana» Almatyda «Chelsıden» jeńilip qalǵanyn jazǵan edik.