Búgin fýtboldan 2024 jylǵy Qazaqstan sýperkýbogy ótedi

ASTANA. KAZINFORM – Búgin, 25 aqpanda fýtboldan 2024 jylǵy Qazaqstan sýperkýbogy ótedi. Atalǵan oıynda «Ordabasy» (Shymkent) ven «Tobyl» (Qostanaı) komandalary kezdesedi.

Oıyn alǵash ret elimizden tys jerde uıymdastyrylyp otyr. Ol Túrkııanyń Antalııa qalasyndaǵy «Tıtanık Mardan» stadıonynda elorda ýaqytymen saǵat 18:00-de bastalyp, «Qazsport» telearnasynan tikeleı efırde kórsetiledi.

Sýperkýbok oıyndary bıyl 19-shi márte uıymdastyrylyp otyr. 

Qazirge deıin fınalda on komanda baq synaǵan. Olardyń arasynda «Astana» on márte fınalda oınap, bes márte (2011, 2015, 2018, 2019, 2020, 2023) kýbokty ıelendi. Odan keıingi kezekte Almatynyń «Qaıraty» 5 márte fınalda baq synap, ekeýinde (2016, 2017) jeńimpaz atandy.

Al «Aqtóbe» 3 (2008, 2010, 2014), jáne «Tobyl» (2021, 2022) 2, «Elimaı» (1995), «Ordabasy» (2012), «Shahter» (2013) komandalary bir-birden jeńimpaz tuǵyrynan kórindi. Sondaı-aq, «Atyraý», «Vostok» jáne «Qaısar» komandalary sýperkýbokqa shyqqanymen birde-bir márte oǵan qol jetkize alǵan joq.

Eske salsaq, budan buryn fýtboldan el chempıonatynyń kúntizbesi belgili boldy.