Búgin Farıza Ońǵarsynovanyń týǵanyna 85 jyl toldy

ASTANA. KAZINFORM – Búgin qazaq poezııasynyń máńgilik shamshyraǵy, uly aqyn Farıza Ońǵarsynovanyń týǵanyna 85 jyl toldy.

Farıza ótken ǵasyrdyń 70-jyldary qazaq ádebıetine daýyldy jyrlarymen endi. Talantty aqyn, qaıtalanbas minezimen jáne tereń dúnıetanymymen óleńdi bıikke kóterip, qazaqtyń kórkem sózin álemge tanytty.

Onyń jaýhar jyrlary men jarqyn beınesi urpaq jadynda máńgi saqtalady.

Eńbek jolyn aýyl muǵalimdiginen bastaǵan aqyn 1968-1970 jyldary jýrnalıst retinde de eleýli eńbek sińirdi. Onyń tabıǵatpen úndes bolmysy jyrlarynan da kórinis tapty.

Alǵashqy óleńder jınaǵy «Sandýǵash» 1966 jyly jaryq kórip, ádebıet álemine erekshe qubylys alyp keldi.

1984 jyly Qazaq KSR Memlekettik syılyǵynyń laýreaty atandy. «Qurmet Belgisi», Parasat ordenderimen marapattalǵan. Respýblıka mádenı-aǵartý isine eńbegi sińgen qyzmetker.

Qazaqstannyń Halyq jazýshysy.

Buǵan deıin Mańǵystaý oblysynda mádenıet úıine Farıza Ońǵarsynovanyń esimi berilgen bolatyn.