Búgin Eýropa Odaǵy elderi elshileriniń shuǵyl kezdesýi ótedi

ASTANA. KAZINFORM — Bul jıyn Brıýsselde AQSh Prezıdenti Donald Tramptyń Grenlandııa jaǵdaıyna baılanysty Eýropanyń segiz eline ımporttyq taýarlarǵa tarıfter engizý týraly málimdemesinen keıin uıymdastyrylmaq. Bul týraly Belta agenttigi Reuters-ke silteme jasap habarlady.

Mundaı kezdesýlerde elshiler ádette keıingi mınıstrler deńgeıindegi EO Keńesi otyrysynda talqylanatyn naqty sharalardy daıyndaıdy.

Eske sala keteıik, AQSh Grenlandııaǵa baılanysty Eýropa elderiniń taýarlaryna baj salyǵyn engizbek.

Artynsha Grenlandııa men Danııada myńdaǵan adam AQSh prezıdenti Donald Tramptyń Grenlandııany basyp alý josparyna narazylyq bildirip, kóshege shyqqan edi.