Búgin Eýropa qurlyǵynda álem chempıonaty irikteý kezeńi oıyndary ótedi

ASTANA. KAZINFORM - Fýtboldan 2026 jylǵy álem chempıonatynda Eýropa qurlyǵy boıynsha irikteý kezeńi oıyndary ótedi.

Іrikteý kezeńinde І tobynda Norvegııa men Italııa, Estonııa men Izraıl quramalary synǵa túsedi.

Bul topta alǵashqy eki týrda upaı joǵaltpaǵan Norvegııa 6 upaımen kósh basynda tursa, odan keıingi oryndardaǵy Estonııa men Izraıldiń 3 upaıy bar. Ázirge Moldova birde-bir upaı ala alǵan joq. Al Italııa birinshi oıynyn endi ótkizedi.

Sondaı-aq Qazaqstan quramasy baq synap jatqan J tobynda Ýels pen Lıhtenshteın, Soltústik Makedonııa men Belgııa sheberlik baıqasady. Bul týrǵa qazaqstandyq fýtbolshylar qatyspaıdy.

Eki týrdan keıin 4 upaımen Soltústik Makedonııa men Ýels kósh basynda kele jatsa, Qazaqstan 3 upaı enshiledi. Al Lıhtenshteınniń upaı ala almasa, Belgııa alǵashqy oıynyn búgin ótkizedi.

Taǵy eki oıyn L tobynda bolady. Bul topta Gıbraltar men Horvatııa oınasa, taǵy bir kezdesýde Chehııa men Chernogorııa jasyl alańǵa shyǵady.

Dúbirli dodada alǵash ret 48 qurama baq synaıdy. Onyń 16-y Eýropa, 8-i Azııa, 9-y Afrıka, 6-y Soltústik Amerıka, 6-y Ońtústik Amerıka qurlyǵyna bólinse, 1-i muhıt aımaǵy elderine qaralǵan. Al 2 joldama pleı-off satysy arqyly anyqtalady.

Aıta ketsek, fýtboldan álem chempıonatyna shyqqan quramalar sany 10-ǵa jetti.

Qazirge deıin AQSh, Kanada, Meksıka, Japonııa, Jańa Zelandııa, Iran, Argentına, Iordanııa, Ózbekstan, Ońtústik Koreıa quramalary 2026 jylǵy álem chempıonatyna qatysatyny belgili boldy.