Búgin elordada «Elorda kýbogy» halyqaralyq týrnıri bastalady
ASTANA. KAZINFORM - Astana qalasynda 13-18 mamyr aralyǵynda bokstan eresekter arasynda «Elorda kýbogy» ІІІ halyqaralyq týrnıri ótedi.
Qazaqstan ulttyq olımpıada komıtetiniń habarlaýynsha, jarysqa Ózbekstan, Mońǵolııa, Iran, Úndistan, Japonııa, Marokko, Ázerbaıjan, Tájikstan, Koreıa, Qyrǵyzstan jáne Qytaı komandalary keldi.
Halyqaralyq týrnırde erler arasynda 48, 51, 54, 57, 60, 63, 5, 67, 71, 75, 80, 86, 92, 92 keliden joǵary salmaqta júldeler sarapqa salynsa, áıelderde boksshylar 48, 50, 52, 54, 57, 60, 63, 66, 70, 75, 81, 81 keliden joǵary salmaqta synǵa túsedi.
Bedeldi básekede ár salmaqta jeńimpazǵa 700 AQSh dollary, ekinshi orynǵa 400 AQSh dollary, úshinshi orynǵa 200 AQSh dollary beriledi.
Alǵashqy jarys kúni el quramasy quramasy sapynan Mahmud Sabyrhan, Serik Temirjanov, Nurqanat Raıys, Qamshybek Qońqabaev sharshy alańǵa shyǵady.
Eske salsaq, budan buryn 22 jasqa deıingi qazaqstandyq boksshylar Azııa chempıonatynan 24 medal jeńip aldy.
