Búgin elordada bineshe avtobýstyń qozǵalys baǵyty ýaqytsha ózgerdi
ASTANA. KAZINFORM — № 42, 64, 120, № 46, 2, 50, 48 baǵdarlarynyń qozǵalys marshrýty ýaqytsha ózgerdi. Bul týraly «City Transportation Systems» JShS málimdedi.
Búgin sonymen qatar«Tasty TÚK» aıaldamasyna avtobýstardyń toqtaý múmkindigi joq. Osyǵan baılanysty baǵdarlar jolaýshylardy atalǵan aıaldamalarda ýaqytsha otyrǵyzyp/túsirmeıdi.
Eske sala keteıik, 4–5 maýsymy aralyǵynda Aqan Seri kóshesiniń N. Tilendıev dańǵylynan Qaramendi bı Shaqauly kóshesine deıingi ýchaskesinde jol tósemesiniń ústińgi qabatyn tóseý jumystarynyń júrgizilýine baılanysty atalǵan ýchaskede kólik qozǵalysy tolyqtaı jabylatyn bolady.
31 mamyr men 15 maýsym aralyǵynda N. Tilendıev dańǵylynyń Barshyn kóshesinen kólik jolaıryǵyna deıingi ýchaskesinde jóndeý jumysy júrgizilip jatyr.
