Búgin elordada 9 avtobýstyń qozǵalys baǵyty ýaqytsha ózgerdi
ASTANA. KAZINFORM — № 4, 4A, 21, 43, 58, 502, 66, 84, 82 baǵdarlardyń qozǵalys marshrýty ýaqytsha ózgerdi. Bul týraly «City Transportation Systems» JShS málim etti.
Eske sala keteıik, buǵan deıin Táýelsizdik dańǵylynyń Sh. Qaldaıaqov kóshesinen J. Nájimedenov kóshesine deıingi ýchaskede jol tósemine jóndeý jumystary júrgiziletini týraly habarlaımyz. Osyǵan baılanysty, aǵymdaǵy jyldyń 22-23 mamyr kúnderi atalǵan ýchaskede kólik qozǵalysy ishinara shekteldi.
Keshe № 19, 52 baǵdarlardyń qozǵalys baǵyty ýaqytsha ózgerdi.
Bas qalada sondaı-aq № 19, 28, 52, 66 baǵdarlardyń qozǵalys baǵyty ýaqytsha ózgeretini habarlandy.
Elordada sondaı-aq Kereı Jánibek handary kóshesiniń Á. Bókeıhan kóshesinen Sh. Murtaza kóshesine deıingi ýchaskede jol tósemine ortasha jóndeý jumystary júrgiziledi. Osyǵan baılanysty, aǵymdaǵy jyldyń 21-25 mamyr aralyǵynda atalǵan ýchaskede qozǵalys tolyqtaı jabyldy.
