Búgin elorda men taǵy 6 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2026 jylǵy 10 qańtarda Pavlodar, Qaraǵandy, Temirtaý, Balqash, Jezqazǵan, Almaty, Astana qalalarynda qalasynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter 10 qańtar kúni Qazaqstannyń 14 oblysynda qolaısyz aýa raıyna baılanysty eskertý jarııalady.