Búgin elimizdiń jeti qalasynda aýa lastanady

ASTANA. KAZNFORM – Búgin elimizdiń jeti qalasynda jaısyz meteorologııalyq jaǵdaı qalyptasyp,aýa lastanady, dep habarlaıdy «Qazgıdromet».

- 2025 jyldyń 3 aqpanda Qaraǵandy, Temirtaý, Qostanaı, Atyraý, Aqtóbe, Almaty, Astana qalalarynda aýanyń lastanýynyń qolaısyz meteorologııalyq jaǵdaıy kútilýde, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin elimizdiń shyǵys óńirinde kún raıyna baılanysty joldar jabylǵanyn jazdyq.