Búgin elimizdiń úsh óńirinde orman órti tirkeldi
ASTANA. KAZINFORM — Qazaqstanda 16 qyrkúıekte memlekettik orman qory aýmaǵynda úsh orman órti tirkeldi. Órttiń biri Qaraǵandy oblysynda, qalǵan ekeýi «Semeı ormany» jáne «Ertis ormany» memlekettik orman tabıǵı rezervteriniń aýmaǵynda bolǵan. Qazir órtti oqshaýlaý jáne tolyq sóndirý jumystary júrgizilip jatyr. Bul týraly Ekologııa mınıstrligi málim etti.
16 qyrkúıekte elimizdiń memlekettik orman qory aýmaǵynda úsh orman órti tirkeldi.
Óńirler boıynsha:
-
Qaraǵandy oblysynda — 1 órt;
-
«Semeı ormany» MOTR aýmaǵynda — 1 órt;
-
«Ertis ormany» MOTR aýmaǵynda — 1 órt.
Órt anyqtalǵan boıda mamandar ony sóndirýge kiristi. Jumysqa memlekettik orman kúzetiniń qyzmetkerleri men arnaıy tehnıka jumyldyryldy. Sonymen qatar «Qazavıaormanqorǵaý» RMQK mamandary da tartylyp, aýmaqty áýeden baqylap, jerdegi órt sóndirý jumystaryna qajetti kómek kórsetýde.
Qazirgi tańda órt oshaqtaryndaǵy jaǵdaı turaqty baqylaýda. Órtti oqshaýlaý jáne tolyq sóndirý jumystary jalǵasyp jatyr.
Buǵan deıin Baıanaýyl ulttyq parkindegi orman órti oqshaýlanǵanyn jazdyq.
