Búgin elimizdiń úsh qalasynda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 11 shildede Almaty, túnde Astana, Atyraý qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Qyzylordada ekologııa talabyn buzǵan kásiporyndarǵa 3,5 mln teńgeden asa aıyppul salyndy.
Al Shyǵys Qazaqstan oblysynda jyl basynan beri ekologııalyq zańnamany buzýdyń 42 deregi anyqtaldy.
