07:22, 10 Qarasha 2025 | GMT +5
Búgin elimizdiń úsh qalasynda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«2025 jyldyń 10 qarashasynda Atyraý, Almaty, kúndiz Jezqazǵan qalalarynda qolaısyz meteorologııalyq jaǵdaılar kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala keteıik, «Qazgıdromet» boran men kóktaıǵaq saldarynan elimizdiń 17 óńirinde 10 qarasha kúni daýyldy eskertý jarııalady.