Búgin elimizdiń úsh qalasynda aýa lastanady

ASTANA. KAZINFORM — Qazaqstannyń kóptegen qalalarynda 1 qazanda aýa raıy qolaıly bolady dep habarlaıdy «Qazgıdromet» RMK.

Alaıda Jezqazǵanda, Aqtóbede jáne túnde Astanada qolaısyz meteorologııalyq jaǵdaı kútiledi.

Qolaısyz meteorologııalyq jaǵdaılar (QMJ) – zııandy (lastaýshy) zattardyń jerge jaqyn aýa qabatynda jınalýyna yqpal etetin qysqa merzimdi meteofaktorlardyń (tynyq aýa, álsiz jel, tuman, ınversııa) jıyntyǵy. QMJ oryn alǵan kezde eldi mekenderdegi aýa sapasy tómendep, adamdardyń densaýlyǵyna keri áser etýi múmkin.

Atmosferalyq aýanyń lastaný deńgeıin aıqyndaıtyn negizgi faktorlardyń biri – sınoptıkalyq jaǵdaıdyń (jel, jaýyn-shashyn, ylǵaldylyq, aýa temperatýrasy) boljamy.

Buǵan deıin 30 qyrkúıekte Astana men Qazaqstannyń 16 óńirinde daýyldy aýa raıy kútiletini habarlanǵan edi.