Búgin elimizdiń úsh qalasynda aýa lastanady

ASTANA. KAZINFORM — «Qazgıdromet» RMK búgin úsh qalada aýa sapasy nasharlaıtynyn habarlady.  

— 2026 jylǵy 6 qańtarda Balqash, Qyzylorda, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter 16 oblysta aýa raıyna baılanysty eskertý jarııalady.