Búgin elimizdiń tórt qalasynda aýa sapasy nasharlaıdy – Qazgıdromet
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 25 qazanda Aqtóbe, Almaty, Qaraǵandy, Temirtaý qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, 23 qazanda Qazaqstannyń 15 oblysy men Almaty qalasynda aýa raıyna baılanysty eskertý jarııalandy. Eldiń birqatar óńirinde aýa raıy kúrt nasharlaıdy.
Buǵan deıin Atyraý munaı óńdeý zaýytynda jospardan tys tekserý ekologııalyq talaptardyń buzylýyn anyqtady.
Eske salaıyq, Shyǵys Qazaqstandaǵy Novo-Berezov ken ornynda ekologııalyq zańbuzýshylyqtar anyqtaldy.
