Búgin elimizdiń segiz qalasynda aýa sapasynyń nasharlaıtyny anyqtaldy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 14 naýryzda aýanyń lastanýynyń qolaısyz meteorologııalyq jaǵdaılary Almaty, Atyraý, Oral, Qaraǵandy, Balqash, Jezqazǵan, Temirtaý, túnde Astana qalasynda kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, buǵan deıin Almatyda júzdegen avtobýs aýa sapasyn buzýǵa sebepshi bolyp kele jatqanyn jazdyq.
