Elimizdiń orman qory aýmaǵynda bir kúnde 3 orman órti tirkeldi
ASTANA. KAZINFORM — 22 shildede «Semeı ormany» rezervatyndaǵy úsh órttiń shyǵýyna naızaǵaı razrıady sebep bolǵan, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Vedomstvo málimetinshe, órt oshaqtary «Kazavıaormanqorǵaý» RMKQ áýe patrýldeýi barysynda jáne erte anyqtaý júıesi arqyly anyqtaldy. Bul orman qyzmetkerleri men áýe desantshylarynyń órtti jedel oqshaýlap, taralý jolynyń aldyn alýǵa múmkindik berdi.
— Orman qyzmetkerleri men «Kazavıaormanqorǵaý» RMKQ qyzmetkerleriniń úılesimdi is-qımylynyń arqasynda barlyq qajetti tehnıka jumyldyrylyp, az aýmaqty qamtyǵan órt dereý sóndirilip, aımaqqa qaýip tóngen joq, — delingen habarlamada.
Komıtet órt qaýpi joǵary aýmaqtarda, jalpy tabıǵat aıasynda demalýshylardy órt qaýipsizdik sharalaryn, tazalyqty qatań saqtaýǵa shaqyrdy.
Buǵan deıin 21 shildede Qazaqstannyń orman qory aýmaǵynda 19 órt sóndirilgenin jazǵanbyz.
