Búgin elimizdiń qaı qalalarynda aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«2025 jylǵy 30 jeltoqsanda Almaty, Aqtóbe qalalarynda, túnde Atyraý qalasynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda ekologııalyq ruqsatsyz jumys isteıtin monshalar nazarǵa alyndy. Qatty otyn paıdalanatyn monshalar men saýnalar atmosferalyq aýanyń lastaný kózine aınalýy múmkin.