Búgin elimizdiń qaı qalalarynda aýa sapasy nasharlaıtyny belgili boldy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«2025 jylǵy 3 jeltoqsanda Aqtóbe, Almaty, Shymkent, Óskemen, Pavlodar, Qaraǵandy, Jezqazǵan, Balqash, Temirtaý qalalarynda, túnde Astana, Petropavl, Qostanaı qalalarynda qolaısyz meteorologııalyq jaǵdaılar kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, «Qazgıdromet» RMK 3 jeltoqsanda aýa raıynyń kúrt ózgeretinine baılanysty birqatar óńirde eskertý jarııalady.
Al elimizdiń tórt óńirinde oblystyq jáne respýblıkalyq mańyzy bar joldar jabyldy.