Búgin elimizdiń eki óńirinde orman órtendi
ASTANA. KAZINFORM — 2026 jyly 12 tamyzda Respýblıka boıynsha 2 orman órti — Aqtóbe jáne Batys Qazaqstan oblystarynda tirkeldi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Órt sóndirý qyzmetine memlekettik orman mekemeleriniń kúshteri men quraldary sonymen qatar, «Kazavıaormanqorǵaý» RMQK áýe desanttary jáne sý tógý qurylǵysymen jabdyqtalǵan tikushaǵy jumyldyryldy.
— «Kazavıaormanqorǵaý» RMQK qyzmetkerleriniń áýe patrýldeýi barysynda jáne órtterdi jedel anyqtaý júıesi arqyly órt oshaqtary anyqtalǵan sátten bastap jedel habarlaý arqyly qajetti kúsh quraldar ýaqytyly órt ornyna jetip, az ýaqyt ishinde oqshaýlap, tolyq sóndirdi, — delingen habarlamada.
Vedomstvo órt qaýipti kezeńde azamattardy qaýipsizdik sharalaryn qatań saqtaýǵa shaqyrdy.
Osyǵan deıin keshe Aqmola oblysynda úsh orman órti tirkelgenin jazǵanbyz.
