Búgin elimizdiń eki qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«7 naýryzda aýa lastanýynyń qolaısyz meteorologııalyq jaǵdaılary Atyraý jáne Balqash qalalarynda kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatyda 2030 jylǵa deıingi dendrologııalyq jospar ázirlenip jatyr.

Al Shymkent elimizdegi aýasy eń kóp lastanǵan 10 qalanyń qataryna endi. Degenmen sınoptıkter 6 naýryz kúni elimizdiń barlyq qalasynda aýa sapasy talapqa saı ekenin habarlady.