Búgin Pavlodar oblysynyń soltústiginde 2 gradýs úsik júredi

ASTANA. KAZINFORM – «Qazgıdromet» RMK-sy sáýirdiń 30-y kúngi kún raıy boljamyn jarııalady.

Qazaqstannyń basym bóliginiń aýa raıyna batys tsıklony jáne onymen baılanysty atmosferalyq frontaldy bólikter áser etip, jańbyr jaýady, soltústik-batysta, soltústikte, ortalyqta qatty jańbyr jaýady, ońtústik – shyǵystyń taýly aımaqtarynda jańbyr men qar jaýady.

Respýblıka boıynsha jeldiń kúsheıip, batysta, ortalyqta, shyǵysta naızaǵaı oınaıdy, batysta, soltústik-batysta-burshaq jaýyp, batysta, ortalyqta, ońtústikte daýyl turady, ońtústik-batysta, ońtústikte shańdy daýyl, soltústikte, ońtústik-shyǵysta tuman bolady.

Túnde Soltústik Qazaqstan oblysynyń soltústik-shyǵysynda, Pavlodar oblysynyń soltústiginde 2 gradýs úsik júredi.

Mańǵystaý oblysynyń basym bóliginde, Atyraý oblysynyń batysynda, ońtústiginde, shyǵysynda, Qyzylorda qalasynyń ortalyǵynda, Túrkistan oblysynyń soltústiginde, Abaı oblysynyń ońtústiginde, Qaraǵandy oblysynyń ońtústiginde, Jetisý oblysynyń batysynda, Aqtóbe oblysynyń ońtústiginde órt qaýpi joǵary.