Búgin elimizdiń birqatar óńirinde jel kúsheıip, tuman túsedi
ASTANA. KAZINFORM — Búgin elimizdiń birqatar óńirinde jańbyr jaýyp, keı jerlerde naızaǵaı oınaıdy. Sınoptıkter Almaty, Jambyl jáne Jetisý oblystarynda qatty jaýyn-shashyn bolatynyn boljap, birneshe óńirde jeldiń kúsheıýi men tańerteń tuman túsýi múmkin ekenin eskertti. Bul týraly TJM málim etti.
Elimizdiń basym bóliginde jańbyr jaýady, keı jerlerde naızaǵaı oınaıdy. Eń qatty jaýyn-shashyn Almaty, Jambyl jáne Jetisý oblystarynda kútiledi. Qyzylorda, Túrkistan jáne Shyǵys Qazaqstan oblystarynda álsiz jańbyr jaýýy múmkin.
Qaraǵandy oblysynyń ońtústik-batysynda, Ulytaý oblysynyń ońtústik-shyǵysynda, Túrkistan oblysynyń soltústiginde, Jambyl oblysynyń soltústik-batysynda jáne Almaty oblysynda jeldiń ekpini 15 m/s-qa deıin jetedi.
Tańerteń Qostanaı jáne Aqtóbe oblystarynyń ońtústiginde, Abaı oblysynda, Shyǵys Qazaqstan oblysynyń soltústigi men ońtústiginde, sondaı-aq Jetisý jáne Almaty oblystarynyń taýly aımaqtarynda tuman túsýi múmkin.
Aıta keteıik, búgin elimizdiń úsh qalasynda aýa sapasy nasharlaıdy.
