Búgin elimizdiń basym bóliginde jaýyn-shashyn bolady
ASTANA. KAZINFORM — 1 shilde kúni elimizdiń basym bóliginde jańbyr jaýady. Ásirese Aqtóbe, Qostanaı, Soltústik Qazaqstan, Mańǵystaý, Abaı, Aqmola, Pavlodar oblystarynda, sondaı-aq Jetisý, Almaty jáne Jambyl oblystarynyń taýly aımaqtarynda jaýyn-shashyn mol bolady. Bul týraly TJM málim etti.
— Jeldiń ekpini 15–20 m/s-qa deıin kúsheıedi. Mundaı aýa raıy Mańǵystaý, Atyraý, Aqtóbe, Batys Qazaqstan, Qyzylorda, Túrkistan, Qostanaı, Aqmola, Soltústik Qazaqstan, Pavlodar, Qaraǵandy, Abaı jáne Shyǵys Qazaqstan oblystarynyń keı jerlerinde kútiledi, — delingen habarlamada.
Tuman kútiledi. Tańerteń Aqtóbe, Qostanaı, Soltústik Qazaqstan, Abaı, Shyǵys Qazaqstan, Almaty jáne Jambyl oblystarynyń keı jerlerinde tuman kútiledi.
Aıta keteıik, buǵan deıin elimizdiń 17 óńirinde aýa raıyna baılanysty eskertý jarııalandy.
