Búgin elimizdiń basym bóliginde jańbyr jaýady
Qazgıdromet el aýmaǵynda 30 qyrkúıekte bolatyn qaýipti meteorologııalyq qubylystarǵa boljam jasady, dep habarlaıdy QazAqparat.
Soltústik-batys tsıklon jyrasy men atmosferalyq fronttardyń áserinen QR basym bóliginde jańbyr jaýady, túnde ońtústikte, Almaty oblysynyń taýly aýdandaryna qatty jaýyn-shashyn (jańbyr, jylbysqy qar) túsedi. Respýblıka boıynsha tuman, ońtústik-shyǵysta, shyǵysta, kúndiz ortalyqta ekpindi jel kútiledi.
Túrkistan oblysynda, Qyzylorda oblysynyń ortalyǵynda, shyǵysynda, ońtústiginde tótenshe órt qaýpi saqtalýda.
Jambyl oblysynda, Qaraǵandy, Ulytaý oblystarynyń ońtústiginde, Batys Qazaqstan oblysynyń soltústiginde joǵary órt qaýpi kútiledi.
