Búgin elimizdiń basym bóliginde jańbyr, naızaǵaı jáne burshaq kútiledi
ASTANA. KAZINFORM — Elimizdiń basym bóliginde jańbyr jaýyp, naızaǵaı oınaıdy jáne burshaq túsýi múmkin. Keı óńirlerde qatty jel soǵyp, shańdy daýyl kóteriledi. Aptap ystyq biraz oblystarda saqtalady. Qazaqstannyń barlyq aýmaǵynda daýyldy eskertý jarııalandy. Bul týraly TJM málim etti.
Astanada kún bultty, jańbyr jaýyp, naızaǵaı oınaıdy. Jeldiń jyldamdyǵy 9-14 m/s, ekpini 15-20 m/s-qa deıin jetedi. Aýa temperatýrasy túnde +13...+15°C, kúndiz +24...+26°C.
Almatyda kún bultty, jańbyr jaýyp, naızaǵaı oınaıdy. Jel 3-8 m/s, ekpini 15-20 m/s-qa deıin kúsheıedi. Aýa temperatýrasy túnde +17...+19°C, kúndiz +23...+25°C.
Shymkentte qubylmaly bultty, jaýyn-shashynsyz. Jel 8-13 m/s, ekpini 15-20 m/s-qa deıin jetedi. Aýa temperatýrasy túnde +15...+17°C, kúndiz +30...+32°C.
Eske sala keteıik, 3 shildede Qazaqstannyń birneshe óńirinde aýa raıyna baılanysty eskertý jarııalandy.
