Elimizdiń basym bóliginde jańbyr men qar jaýady — Qazgıdromet

ASTANA. KAZINFORM — «Qazgıdromet» RMK aýa raıynyń qolaısyzdyǵyna baılanysty 16 óńirde daýyldy eskertý jarııalady. 

Búgin elimizdiń basym bóliginde jańbyr men qar jaýady. Ońtústik pen ońtústik-shyǵysta qatty jaýyn-shashyn boljanady. Respýblıka boıynsha jeldiń kúsheıýi, burqasyn, tuman jáne kóktaıǵaq kútiledi. Batysta shańdy daýyl bolýy yqtımal.

Astana qalasynda kún jaýyn-shashyndy, jaıaý burqasyn, kóktaıǵaq bolady. Ońtústik-batystan jel soǵady, ekpini 15-20 m/s.

Almaty qalasynda keı ýaqyttarda tuman, kóktaıǵaq bolady. Ońtústik-shyǵystan jel soǵady, ekpini 15 m/s.

Shymkentte kúndiz jańbyr jaýady. Keı ýaqyttarda qalany tuman basady. Shyǵystan soǵatyn jel soltústik-batysqa aýysyp, kúndiz ekpini 15-20 m/s jetedi.

Túrkistan oblysynyń soltústiginde, batysynda, ońtústiginde, taýly aýdandarynda jańbyr, qar jaýady. Óńirdiń soltústiginde, taýly aýdandarynda kóktaıǵaq, jaıaý burqasyn bolady. Oblystyń soltústigin, ońtústigin, batysyn, taýly aýdandaryn tuman basýy múmkin. Shyǵystan soǵatyn jel soltústik-batysqa aýysady.

Almaty oblysynyń ońtústiginde, taý bókterinde keı ýaqyttarda qatty jaýyn-shashyn (jańbyr, qar), taýly aýdandarynda keı ýaqyttarda qatty qar jaýady. Oblystyń soltústiginde, ońtústiginde, taýly aýdandarynda tuman, kóktaıǵaq bolady. Ońtústik-shyǵys baǵyttan soǵatyn jel soltústik-batysqa aýysady, oblystyń ońtústiginde, taý bókterinde, taýly aýdandarynda ekpini 18-23, kúndiz keı ýaqyttarda 28 m/s jetedi.

Jetisý oblysynda joldarda kóktaıǵaq bolady. Oblystyń soltústigin, shyǵysyn, ortalyǵynda, taýly aýdandaryn keı ýaqyttarda tuman basady. Ońtústik-batystan jel soǵady, túnde oblystyń soltústiginde, shyǵysynda ekpini 15-20 m/s.

Jambyl oblysynda keı ýaqyttarda tuman, kóktaıǵaq kútiledi. Soltústik-shyǵystan jel soǵady.

Soltústik Qazaqstan oblysynda jaýyn-shashyn (kóbinese qar), burqasyn, kóktaıǵaq bolyp, aımaqtyń batys betkeıine tuman basady. Ońtústik-batystan soǵatyn jel soltústik-batysqa aýysady, kúshi 15-20 m/s, oblystyń batysynda, soltústiginde, ońtústiginde ekpini 23-28 m/s.

Aqmola oblysynda kún raıy jaýyn-shashyndy, burqasyn, kóktaıǵaq. Ońtústik-batystan jel soǵady, ekpini 15-20 m/s, oblystyń soltústiginde, shyǵysynda keı ýaqyttarda 23-28 m/s.

Pavlodar oblysynda da kún jaýyn-shashyndy, jaıaý burqasyn, kóktaıǵaq bolady. Ońtústik-batystan jel soǵady, oblystyń batysynda, soltústiginde, shyǵysynda 15-20 m/s.

Shyǵys Qazaqstan oblysynyń kúndiz oblystyń batysynda, soltústiginde, shyǵysynda qar jaýyp, jaıaý burqasyn bolady. Túnde oblystyń batysyn, soltústigin, ońtústigin tuman basady. Jel ońtústik-shyǵystan soǵady, kúndiz oblystyń soltústiginde, shyǵysynda 15-20 m/s.

Túnde Abaı oblysynyń ońtústiginde, shyǵysynda, ortalyǵynda qar, jaıaý burqasyn kútiledi, kúndiz oblystyń soltústiginde, shyǵysynda, ońtústiginde jaýyn-shashyn (jańbyr, qar), jaıaý burqasyn, kóktaıǵaq bolady. Túnde oblystyń ońtústik-batysyn tuman basyp, jel ońtústikten, ońtústik-batystan soǵady, oblystyń batysynda, soltústiginde, ortalyǵynda 15-20 m/s jetedi.

Qyzylorda oblysynyń soltústiginde, ortalyǵynda tuman, kóktaıǵaq bolady.

Aqtóbe oblysynyń batysynda, soltústiginde, shyǵysynda, ortalyǵynda jaýyn-shashyn (jańbyr, qar), kóktaıǵaq, oblystyń soltústiginde jaıaý burqasyn, kúndiz oblystyń batysynda, soltústiginde kóktaıǵaq kútiledi. Oblystyń batysynda, ońtústiginde tuman bolyp, ońtústik-batystan jel soǵady.

Qostanaı oblysynyń soltústiginde, shyǵysynda, ońtústiginde jaýyn-shashyn (jańbyr, qar), burqasyn, oblystyń batysynda azdaǵan qar jaýyp, jaıaý burqasyn soǵady. Joldar kóktaıǵaq bolyp, keı aýmaqtardy tuman basady. Ońtústik-batystan jel soǵady, ekpini 15-20 m/s.

Atyraý oblysynyń batysynda, soltústiginde, ońtústiginde tuman, kóktaıǵaq. Kúndiz oblystyń batysynda, soltústiginde shańdy daýyl turady. Batystan, ońtústik-batystan jel soǵady, kúndiz oblystyń batysynda, soltústiginde, ońtústiginde ekpini 15-20 m/s.

Buǵan deıin naýryz aıynda kún raıy qandaı bolatyny týraly jazdyq.