Búgin elimizdiń basym bóliginde jańbyr, qar jaýady

 4 jeltoqsanda elimizdiń basym bóliginde jaýyn-shashyn (qar, jańbyr) jaýady, dep habarlaıdy Kazinform.  

Qazgıdromet sınoptıkteriniń boljamy boıynsha, respýblıkanyń basym bóligine tsıklon jáne atmosferalyq fronttar yqpal etedi. Sonyń áserinen jańbyr, qar jaýyp, eldiń soltústigi men shyǵysynda kóktaıǵaq, burqasyn bolady.

Tek respýblıkanyń ońtústik-batysynda jáne ońtústiginde antıtsıklonnyń áserinen aýa raıy jaýyn-shashynsyz bolady. Elimiz boıynsha, tuman túsip, jel kúsheıedi.