Búgin elimizdiń basym bóliginde turaqsyz aýa raıy saqtalady

ASTANA. KAZINFORM – Qazgıdromet el aýmaǵynda 2 naýryzda bolatyn qaýipti meteorologııalyq qubylystarǵa boljam jasady.

Derekke qaraǵanda, atmosferalyq fronttardyń ótýine baılanysty elimizdiń basym bóliginde turaqsyz aýa raıy saqtalady.

- QR ońtústiginde jaýyn-shashyn, jańbyr jáne qar jaýady. Respýblıka boıynsha tuman, ońtústiginde, ońtústik-batysynda, ortalyǵynda - kóktaıǵaq, batysynda, soltústiginde, ońtústiginde, ortalyǵynda – jaıaý burqasyn, batysynda, soltústik-batysynda, ońtústiginde, ońtústik-shyǵysynda, ortalyǵynda – jeldiń kúsheıýi kútiledi, - dep jazdy sınoptıkter.

Aıta keteıik, buǵan deıin Qazgıdromet Qazaqstannyń 16 oblysynda jáne Astanada daýyldy eskertý jarııalaǵanyn jazǵanbyz.