Búgin elimizdiń basym bóliginde turaqsyz aýa raıy saqtalady
ASTANA. KAZINFORM – Qazgıdromet el aýmaǵynda 5 naýryzda bolatyn qaýipti meteorologııalyq qubylystarǵa boljam jasady.
Boljamǵa qaraǵanda, atmosferalyq fronttardyń ótýimen elimizdiń basym bóliginde aýa raıynyń turaqsyz sıpaty saqtalady.
- QR batysynda jaýyn-shashyn jańbyr men qar túrinde bolady. Tek eldiń ońtústiginde jaýyn-shashynsyz aýa raıy bolady. Respýblıka boıynsha tuman, jaıaý burqasyn, jeldiń kúsheıýi, batysynda, soltústik-batysynda, ońtústiginde kóktaıǵaq boljanady, - dep jazady sınoptıkter.
Kúndiz Aqtóbe oblysynyń batysynda qatty qar jaýady.
Aıta keteıik, buǵan deıin elimizdiń 15 óńirinde tuman túsip, burqasyn bolatyny habarlandy.
