Búgin elimizdiń basym bóliginde naızaǵaı oınap, jańbyr jaýady — Qazgıdromet

ASTANA. KAZINFORM — «Qazgıdromet» RMK el aýmaǵynda 27 mamyrda bolatyn qaýipti meteorologııalyq qubylystarǵa boljam jasady. 

Derekke qaraǵanda, respýblıkanyń basym bóligine atmosferalyq frontaldy bólimder áser etedi. Sondyqtan aýa raıynyń turaqsyz sıpaty kútiledi, naızaǵaı oınap, jańbyr jaýady, eldiń shyǵysynda, ońtústik-shyǵysynda qatty jańbyr jaýýy boljanady.

Ortalyqta, shyǵysta, ońtústik-shyǵysta burshaq jaýyp, daýyl turady.

Tek batysta, soltústik-batysta, eldiń ońtústiginde jaýyn-shashynsyz aýa raıy kútiledi.

Respýblıka boıynsha jeldiń kúsheıýi múmkin, QR-nyń ońtústiginde, ońtústik-shyǵysynda shańdy daýyl turyp, túngi jáne tańerteńgi saǵattarda tuman túsedi.

- Kúndiz Jetisý oblysynda Alakól kólderi aýdanynda ekpini 30 m/s jáne odan da kóp qatty jel turady.

Túnde Soltústik Qazaqstan oblysynyń soltústik-shyǵysynda, Aqtóbe oblysynyń soltústiginde, Pavlodar, Shyǵys Qazaqstan oblystarynyń soltústiginde, shyǵysynda, Qaraǵandy oblysynyń shyǵysynda, Abaı oblysynyń batysynda, soltústiginde, Aqmola, Qostanaı oblystarynyń shyǵysynda topyraq betinde 1-2 gradýs úsik júredi, - dep jazdy sınoptıkter.

Jetisý oblysynyń shyǵysynda, Qyzylorda oblysynyń soltústiginde, ortalyǵynda, Mańǵystaý oblysynyń batysynda, Aqtóbe oblysynyń batysynda, ońtústiginde, Pavlodar oblysynyń shyǵysynda, Jambyl oblysynyyń soltústiginde, ońtústiginde, Batys Qazaqstan oblysynyń ońtústik-shyǵysynda, Atyraý oblysynyń soltústiginde, shyǵysynda, Túrkistan oblysynyń ońtústiginde, Almaty oblysynyń ortalyǵynda, Abaı oblysynyń ońtústik-shyǵysynda, joǵary órt qaýpi bar.

Qyzylorda oblysynda, Túrkistan oblysynyń soltústiginde, shóldi, taý bókterindegi aýdandarda, Jambyl oblysynyń batysynda, shyǵysynda, Qostanaı oblysynyń ońtústiginde, Aqtóbe oblysynyń ońtústik-shyǵysynda, Atyraý oblysynyń ońtústiginde, batysynda, Almaty oblysynyń batysynda, soltústiginde, Pavlodar, Shyǵys Qazaqstan, Jetisý oblysytarynyń ońtústik-shyǵysynda, Abaı, Ulytaý oblystarynyń ońtústiginde tótenshe órt qaýpi kútiledi.

Aıta keteıik, buǵan deıin elimizge kelgen arab týrısteri jyldyń tórt mezgilin de sezinýge bolatynyn aıtqanyn jazǵanbyz.