Búgin elimizdiń basym bóliginde naızaǵaı oınap, jańbyr jaýady
ASTANA. KAZINFORM - Qazgıdromet el aýmaǵynda 24 maýsymda bolatyn qaýipti meteorologııalyq qubylystarǵa boljam jasady.
Sınoptıkterdiń málimetinshe, QR aýmaǵynyń basym bóliginde áli de turaqsyz aýa raıy saqtalýda, atmosferalyq fronttardyń ótýine baılanysty naızaǵaı oınap, jańbyr jaýady.
«Kúndiz elimizdin ońtústik-shyǵysynyń taýly aýmaqtarynda qatty jańbyr jaýady, sondaı-aq respýblıka boıynsha jel kúsheıedi, daýyl, burshaq kútiledi.
Kúndiz Abaı, Jetisý, Almaty, Jambyl, Pavlodar, Shyǵys Qazaqstan oblystarynda, Qaraǵandy oblysynyń ońtústiginde qatty ystyq saqtalady», — dep jazdy vedomstvodan.
Aqtóbe, Almaty oblystarynda, Ulytaý oblysynyń soltústiginde, shyǵysynda, Abaı oblysynyń soltústiginde, Qaraǵandy oblysynyń batysynda, ortalyǵynda, Aqmola oblysynyń batysynda, Shyǵys Qazaqstan oblysynyń ońtústiginde, Mańǵystaý oblysynyń batysynda, soltústik-shyǵysynda, Jetisý oblysynyń soltústiginde, shyǵysynda, Pavlodar oblysynyń shyǵysynda, ortalyǵynda, Atyraý oblysynyń batysynda joǵary órt qaýpi saqtalady, Batys Qazaqstan oblysynyń shyǵysynda joǵary órt qaýpi kútiledi.
Atyraý, Túrkistan, Jambyl, Qyzylorda oblysynda, Almaty oblysynyń soltústik jartysynda, Ulytaý oblysynda, Batys Qazaqstan oblysynyń ońtústiginde, Aqtóbe oblysynyń batysynda, ońtústiginde, Qostanaı, Qaraǵandy oblystarynyń ońtústiginde jáne Abaı oblysynda, Jetisý oblysynyń shyǵysynda, Mańǵystaý oblysynyń soltústiginde, ońtústik-shyǵysynda, ortalyǵynda tótenshe órt qaýpi saqtalady.
