Búgin elimizdiń basym bóliginde kún ashyq bolady

ASTANA. KAZINFORM – «Qazgıdromet» RMK-sy qazannyń 1-i kúngi kún raıy boljamyn jarııalady.

Kásiporynnyń derekterine qaraǵanda, búgin Qazaqstannyń basym bóliginde joǵary qysym órisiniń áserinen kún qurǵaq jáne jyly bolady. Tek atmosferalyq aǵyn áser etip otyrǵan eldiń ońtústiginde ǵana naızaǵaı oınap, jańbyr jaýady.

Qazaqstannyń batysynda, ońtústiginde, shyǵysynda jel kúsheıedi, soltústiginde, ońtústik shyǵysyndaǵy taýly aýdandarda tuman túsip, ońtústiginde shańdy daýyl turady.

Aqtóbe, Qaraǵandy oblystarynda, Ulytaý oblysynyń shyǵysynda, Jetisý oblysynyń shyǵysynda, Batys Qazaqstan oblysynyń soltústiginde, Qyzylorda oblysynyń soltústik-batysynda, Jambyl oblysynyń ońtústik-shyǵysynda, Qostanaı oblysynyń ońtústiginde, ortalyǵynda, Mańǵystaý oblysynyń shyǵysynda, Shyǵys Qazaqstan oblysynyń batysynda, ońtústiginde, ortalyǵynda, Abaı oblysynyń shyǵysynda, ortalyǵynda órt qaýpi saqtalady. Abaı jáne Shyǵys Qazaqstan oblystarynyń soltústiginde joǵary órt qaýpi bar.

Mańǵystaý, Atyraý, Túrkistan, Qyzylorda, Jambyl, Batys Qazaqstan, Ulytaý oblystarynda, Qaraǵandy oblysynyń batysynda, shyǵysynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Jetisý oblysynyń ortalyǵynda, Almaty oblysynyń soltústiginde, shyǵysynda, Aqtóbe oblysynyń batysynda, ońtústiginde, ortalyǵynda tótenshe órt qaýpi saqtalady.