Búgin elimizdiń basym bóliginde qar jaýady – Qazgıdromet
ASTANA. KAZINFORM – Atmosferalyq fronttardyń ótýimen Qazaqstannyń soltústiginde, batysynda jáne soltústik-batysynda qar jaýady, dep habarlaıdy «Qazgıdromet» RMK.
Al ońtústik-batys pen ońtústikte jaýyn-shashyn (jańbyr, qar) kútiledi.
Kásiporyn taratqan málimetterge qaraǵanda, tek shyǵysta, Qazaqstannyń ortalyǵynda antıtsıklon sileminiń áserinen jaýyn-shashynsyz aýa raıy kútiledi.
Respýblıka boıynsha tuman kútiledi, ońtústik-batysta, ońtústik-shyǵysta kóktaıǵaq bolady, batysta, ońtústik-batysta jáne soltústikte qar jaýyp, jel kúsheıedi.
Eske sala keteıik, buǵan deıin Qazaqstannyń 14 oblysynda jáne Astanada aýa raıyna baılanysty eskertý jarııalanǵanyn jazǵan edik.
