Búgin elimizdiń barlyq aýmaǵynda jel turady, keıbir oblystarda kún sýytady

ASTANA. KAZINFORM – "Qazgıdromet" RMK el aýmaǵynda 18 qyrkúeıekte bolatyn qaýipti meteorologııalyq qubylystarǵa boljam jasady.

Keń aýqymdy antıtsıklon QR basym bóliginde jaýyn-shashynsyz aýa raıyn saqtaıdy. Eldiń shyǵysynda, ońtústiginde, ońtústik-shyǵysynda frontaldy bólimderdiń áserinen naızaǵaı oınap, jańbyr jaýady. Respýblıka boıynsha jeldiń kúsheııýi kútiledi. Soltústikte, shyǵysta, ońtústik-shyǵystyń taýly aımaqtarynda túnde jáne tańerteń tuman túsedi.

«Shyǵys Qazaqstan, Pavlodar, Soltústik Qazaqstan, Qaraǵandy oblystarynyń soltústiginde, shyǵysynda, Abaı oblysynyń batysynda, shyǵysynda, ortalyǵynda, Qostanaı oblysynyń soltústik-shyǵysynda, Aqmola oblysynyń soltústiginde, shyǵysynda, Jetisý oblysynyń taýly aýdandarynda 1-6 gradýs aıaz kútiledi»,  — dep jazdy sınoptıkter.

Aqtóbe, Ulytaý oblystarynda, Jetisý oblysynyń batysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-shyǵysynda, soltústik-batysynda, Jambyl oblysynyń ońtústik-batysynda, ońtústik-shyǵysynda, Qaraǵandy oblysynyń batysynda, ortalyǵynda, Shyǵys Qazaqstan oblysynyń batysynda, ońtústiginde, ortalyǵynda, Qostanaı oblysynyń ońtústiginde joǵary órt qaýpi saqtalady.

Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Qaraǵandy oblysynyń batysynda, shyǵysynda, Ulytaý oblysynyń soltústiginde, ońtústiginde, Abaı oblysynyń ońtústiginde, Jetisý oblysynyń soltústiginde, ortalyǵynda, Aqtóbe oblysynyń ońtústiginde, Almaty oblysynyń soltústiginde, batysynda tótenshe órt qaýpi bar.