Búgin elimizdiń barlyq aýmaǵynda jel kúsheıip, burqasyn soǵady

ASTANA. KAZINFORM – Qazgıdromet 19 qańtarda el aýmaǵynda bolatyn qaýipti meteorologııalyq qubylystarǵa boljam jasady.

Sınoptıkterdiń dereginshe, soltústik tsıklon jáne onymen baılanysty atmosferalyq frontaldy bólimder QR aýmaǵyna qar men jańbyr túrindegi jaýyn-shashyn alyp keledi.

- Soltústik-batys, soltústik, ortalyq, shyǵys aımaqtarda – qar jaýady. Respýblıka boıynsha jeldiń kúsheıýi, burqasyn, tuman jáne kóktaıǵaq kútiledi, - dep jazdy mamandar.

Aıta keteıik, buǵan deıin demalys kúnderine arnalǵan aýa raıy boljamyn - Qazaqstanda 35 gradýsqa deıin aıaz bolatynyn jazǵanbyz.