Búgin elimizdiń 9 qalasynda aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 6 shildede Aqtóbe, Almaty qalalarynda, túnde Qostanaı, Qaraǵandy, Jezqazǵan, Balqash, Temirtaý, Atyraý, Astana qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Qazaqstan men Ózbekstan aýa sapasyn jaqsartý baǵytynda birlesken jumys tobyn quratyny málim boldy.
Al allergııanyń órshýi tabıǵı qubylys pa, álde ekologııalyq másele me ekenin myna jerden oqı alasyz.
