Búgin elimizdiń 9 qalasynda aýa sapasy nasharlaıdy

ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 31 qazanda qolaısyz meteorologııalyq jaǵdaılar Pavlodar, Qaraǵandy, Jezqazǵan, Temirtaý, Óskemen, Semeı, Rıdder, Almaty, Atyraý qalalarynda kútiledi», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, keshe «Qazgıdromet» RMQ aldaǵy kúnderge arnalǵan aýa raıy boljamyn jarııalady.