Búgin elimizdiń 7 qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 25 sáýirde qolaısyz meteorologııalyq jaǵdaılar Balqash, Óskemen, Semeı, Rıdder, Almaty qalalarynda, túnde Qaraǵandy, Temirtaý qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin elimizde ekologııalyq jobalardaǵy áıelder úlesi artyp kele jatqanyn jazǵan bolatynbyz.