Búgin elimizdiń 5 qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 29 naýryzda Almaty, Astana, Pavlodar, Temirtaý, Qaraǵandy qalalarynda, túnde Qostanaıda aýanyń lastanýyna qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, búgin Qazaqstannyń basym bóliginde aýa raıyna baılanysty eskertý jasaldy.