Búgin elimizdiń 2 qalasynda aýa sapasy nasharlaıdy

ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 4 qarashada qolaısyz meteorologııalyq jaǵdaılar Atyraý jáne Aqtóbe qalalarynda kútiledi», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala ketsek, sınoptıkter 4 qarashadaǵy aýa raıy boljamyn usynyp, elimizdiń basym bóliginde qar jaýatynyn habarlady.