Búgin elimizdiń 12 qalasynda aýa sapasy nasharlaıdy

ASTANA. KAZINFORM – Sınoptıkter elimizdegi aýa sapasyna qatysty boljamyn jarııalady, dep habarlaıdy Kazinform «Qazgıdromet» RMK-ǵa silteme jasap.

«2025 jylǵy 23 qazanda qolaısyz meteorologııalyq jaǵdaılar Petropavl, Kókshetaý, Qaraǵandy, Temirtaý, Óskemen, Semeı, Rıdder, Aqtóbe, Shymkent, Almaty, túnde Atyraý, Astana qalalarynda kútiledi», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, buǵan deıin aýa raıyna baılanysty birneshe óńirde eskertý jarııalandy.

Sonymen qatar Batys Eýropaǵa «meteobomba» qaýpi tónip kele jatqanyn jazǵanbyz.