Búgin elimizdiń 12 qalasynda aýa lastanady

ASTANA. KAZINFORM – Búgin elimizdiń 12 qalasynda jaısyz meteorologııalyq jaǵdaılar qalyptasyp, aýa lastanady, dep habarlaıdy «Qazgıdromet».

-2024 jylǵy 5 jeltoqsanda aýa lastanýynyń qolaısyz meteorologııalyq jaǵdaılary Almaty, Shymkent, Atyraý, Pavlodar, Qaraǵandy, Jezqazǵan, Balqash, Temirtaý, Óskemen, Semeı, Rıdder qalalarynda, túnde Astana qalasynda kútiledi – delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal. 

Osyǵan deıin elimizdiń 10qalasynda aýa lastanatyny týraly jazdyq.