Búgin elimizdiń 10 qalasynda aýa sapasy nasharlaıdy – Qazgıdromet
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 2026 jylǵy 2 qarashada Jezqazǵan, Balqash, Oral, Atyraý, Aqtóbe, Aqtaý, Shymkent, Túrkistan, Almaty, Astana qalalarynda atmosferada lastaýshy zattardyń jınalýyna yqpal etetin meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Qaraǵandy oblysynda aýaǵa 293,7 myń tonna zııandy zat tarap, ekologııalyq ahýal kúrdelene túskeni habarlandy.
Sondaı-aq Atyraý munaı óńdeý zaýyty qondyrǵydan shyqqan qara tútinge qatysty túsinikteme berdi.
Al Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tóledi.
