Búgin elimizdiń 10 qalasynda aýa sapasy nasharlaıdy

ASTANA. KAZINFORM – Sınoptıkter elimizdegi aýa sapasyna qatysty boljamyn jarııalady. Bul týraly «Qazgıdromet» RMK habarlady.

«2025 jylǵy 26 qazanda qolaısyz meteorologııalyq jaǵdaılar Qostanaı, Kókshetaý, Óskemen, Semeı, Rıdder, Oral, Aqtóbe, Almaty qalalarynda, túnde Atyraý, Astana qalalarynda», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, buǵan deıin 26 qazanda birqatar óńirde tuman túsip, órt qaýpi artatynyn jazdyq.

Sonymen qatar Batys Eýropaǵa «meteobomba» qaýpi tónip kele jatqanyn jazǵanbyz.