Búgin elimizdiń 10 qalasynda aýa sapasy nasharlaıdy

ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 30 qazanda qolaısyz meteorologııalyq jaǵdaılar Qaraǵandy, Jezqazǵan, Balqash, Temırtaý, Óskemen, Semeı, Rıdder, Almaty, Astana, túnde Kókshetaý qalalarynda kútiledi», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, sınoptıkterdiń 30 qazan kúngi boljamyna súıensek, aldaǵy kúnderi respýblıka aýmaǵy Atlant muhıtynan keletin tsıklonnyń áserinde bolady. Ol elimizdiń basym bóliginde jańbyr men jeldiń kúsheıýin týdyrady.