Búgin elimizdegi eki qalanyń aýa sapasy nasharlaýy múmkin
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«2025 jylǵy 31 jeltoqsanda Almaty qalasynda jáne túnde Atyraý qalasynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda ekologııalyq shekteýleri bar aımaq belgilendi. Almatyda qalalyq máslıhattyń kezekten tys ótken XL sessııasynda Almaty ákiminiń orynbasary Almashan Smatlaev atmosferalyq aýany qorǵaý qaǵıdalaryn bekitý jobasy tanystyrdy.