Búgin elimizdegi aýa sapasy tómendeıtin qalalar sany taǵy kóbeıdi
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 29 qazanda Almaty, Aqtóbe, Atyraý, Jezqazǵan, Oral jáne túnde Balqash, Qaraǵandy, Óskemen, Temirtaý qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Shyǵys Qazaqstandaǵy Novo-Berezov ken ornynda ekologııalyq zańbuzýshylyqtar anyqtaldy.
Sonymen qatar atalǵan aımaqta ekologııalyq tekserýden soń 12 aýyldyq okrýg ákimi jazalandy.
Buǵan deıin Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tóledi.
