Búgin elimizdegi aýa sapasy nasharlaıtyn qalalar sany jeteýge jetti
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 30 naýryzda Almaty, Astana, Pavlodar, Temirtaý, Qaraǵandy qalalarynda, sondaı-aq túnde Qostanaı jáne Atyraý qalalarynda aýanyń lastanýyna qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, Atyraýdaǵy shańdy daýylǵa sebep bolǵan 4 ýchaske anyqtaldy.
Al Shymkent elimizdegi aýasy eń kóp lastanǵan 10 qalanyń qataryna endi.
